ខេត្តព្រះសីហនុ÷បុរសជនជាតិចិនមានវ័យចំណាស់ម្នាក់នៅពេលចុះហែលទឹកសមុទ្រលេងនៅចំនុចភូមិកោះតូច សង្កាត់កោះរ៉ុង ក្រុង-ខេត្តព្រះសីហនុ ជាមួយក្រុមគ្រួសារបានលង់ទឹកស្លាប់បាត់បង់ជីវិតភ្លាមៗបើទោះបីក្រុមគ្រួសារជួយលើកគាត់ឡើងលើទូកដើម្បីជួយសង្គ្រោះបឋមក្តី។ ហេតុការណ៌នេះបានកើតមានឡើងនៅម៉ោងប្រមាណ១រសៀលថ្ងៃទី២០ខែក្កដាឆ្នាំ២០១៦កន្លងទៅថ្មីៗនេះ។

សមត្ថកិច្ចកងរាជអាវុធហត្ថបានឲ្យដឹងថាមុនពេលកើតហេតុក្រុមភ្ញៀវទេសចរណ៌ជនជាតិចិនជាច្រើននាក់បានជួលទូកកន្ទុយវែងមួយគ្រឿងឲ្យជូនពួកគេជិះទៅហែលទឹកលេងជាមួយក្រុមគ្រួសារ ខណៈពេលហែលទឹកលេងមើលផ្កាថ្មផងនោះស្រាប់តែបុរសចំណាស់ជនជាតិចិនម្នាក់នេះបានឈ្លក់ទឹកលិចទៅក្នុងទឹកសមុទ្រមួយសន្ទុះ ហើយក្រុមសារអ្នកដើរលេងជាមួយគ្នានោះស្រង់មកធ្វើសង្គោះបន្ទាក់នៅលើទូកដែរអកុសលបុរសម្នាក់នេះបានដាច់ខ្យល់ស្លាប់ទៅហើយ។ សមត្ថកិច្ចបានឲ្យដឹងទៀតថាសពជនរងគ្រោះមានឈ្មោះwang rocheng ភេទប្រុសអាយុ73ឆ្នាំ កាន់លិខិតឆ្លងដែនលេខ G៥៩៨១៨១០៣ ផុតកំណត់ថ្ងៃទី១១ខែមេសាឆ្នាំ២០២២បច្ចុប្បន្នសាកសពជនរងគ្រោះក្រុមគ្រួសារបានបញ្ជូនត្រឡប់មកដីគោកវិញហើយនិងយកទៅរក្សាទុកនៅមន្ទីរពេទ្យបង្អែកចំការចេករង់ចាំសាច់ញ្ញាតិសម្រេចជាក្រោយ ៕